Pinag-uusapan ngayon sa social media si Willie Revillame matapos ang pahayag ng isa sa mga kilalang commentator na si Lolit Solis. 

Ibinahagi ni Lolit Solis sa social media ang kanyang matagal ng pangarap na magkaroon ng sariling IPad para pang-stream niya sa mga paborito niyang Korean series. 

Sa kanyang post, nabanggit niya na naghahanap umano siya ng "sponsor" para sa nasabing IPad. 

Pabiro namang sinabi ni Lolit na nais niya ang CEO ng Beautederm na si Rhea Tan ang kanyang magiging sponsor. 

“Hummahanap pa nga ako ng sponsor ng Ipad para sa mga Koreanovela ko na gusto ko pa download kay Randolf, dapat si Rhea Tan ng Beautederm ang gagawin ko sponsor para sa Ipad pag tinanong niya ano gusto ko sa Pasko hah hah hah," post ni Manay Lolit sa kanyang Instagram. 

Dito, nabanggit ni Manay Lolit ang Iphone 13 na natanggap niya at ng entertainment editor na si Salve Asis mula kay Gretchen Barretto. 

Ang umanong gadget ay una nilang hiningi mula kay Willie Revillame. 

“Hindi na ako hihingi kay Willie Revillame dahil madalas drawing lang pag nag promise, buti na lang mabait Gretchen Barretto at sinabi ni Ms. Ana Abiera at Ms. Rusky Fernandez ang dream natin na Iphone 13. 

Kung hinintay natin kay Willie Revillame hahanap pa siya sponsor, ang Shopee o Frontrow para buy ang cellphone, hah hah hah, hindi siya ang bibili," pahayag ni Manay Lolit. 


“Kaya Salve ayusin mo iyan signal ng phone mo noh, para hindi ma delay ang IG ko at mabasa na ni Rhea Tan ng Beautederm para buy na siya ng Ipad at lagyan na agad ng mga Koreanovela ko, bongga ! Pasko na talaga, winner na winner na," dagdag pa niya.

Si Lolit Solis ay isang entertainment reporter, talent manager at isa sa mga sikat na host sa bansa. Kilala siya sa kanyang pagiging prangka sa kanyang mga komento tungkol sa showbiz at political issues sa bansa. 

Kaugnay nito, nag viral noon ang patutsada ng isa sa mga kilalang hosts na si Cristy Fermin matapos magbigay ng kanyang prangkang komentaryo tungkol kay Councilor Mikee Morada.

Nagbigay siya ng kanyang reaksyon tungkol sa isyu kung saan involve sina Lolit Solis at ang husband umano ni Alex Gonzaga.

Nitong October 13 lang, sa isang episode ng kanyang show na Cristy Ferminute, sinupalpal niya ang naging reply ni Mikee sa post ni Lolit na kung saan sinabi niya na nagkaroon ng miscarriage ang kanyang asawa na si Alex.

Naniniwala si Cristy Fermin na walang mali si Lolit sa kanyang naging post. 

“Sa ginawa ni Manay Lolit kahit anino ng libelo, wala, 'di ba? Napakaganda ng kanyang sinabi. Nag-wish pa siya ng maganda para sa mag-asawa, ‘di ba?" sabi ni Cristy.

Nagbigay na rin ng mensahe si Nanay Cristy para kay Councilor Mikee Morada:

"Ano ba naman si Konsehal Mikee, ano na ba itong pinaggagawa mo? Mukha yatang gusto mo na ring mag-showbiz. Ako ang sagutin mo ngayon ng ganitong pailalim. 

Sagutin mo ako ng sarkastiko. Ako ang sabihan mo ngayon sa pagkukwestiyon ko sa'yo kung bakit patola ka na. Ano, nahawa ka na sa asawa mo? Na isang artista, gusto mo na mag-showbiz?


Alam mo, napakamaldito nitong ano mo. Kunwari lang gumamit ka ng 'po', 'opo' pero sarkastiko ito. Lalo na 'yung sinabi mong, 'Wag kayong gumagawa ng kwento sa ganitong klaseng sitwasyon lalo't hindi niyo naman alam ang totoong pangyayari,"pahayag ni Nanay Cristy.

Kilala si Alex bilang isa sa mga sikat na vloggers at aktres sa bansa. Siya ang nakababatang kapatid ni Toni Gonzaga.

Nagbigay na rin ng mensahe si Nanay Cristy kay Alex at sinabi niya na alam niya na ang mga Gonzaga sisters ay mga celebrities at alam na nilang dalawa ang mundo na kanilang pinasok.

Humingi na rin ng tawad si Lolit Solis matapos niyang ipost ang alleged miscarriage ng aktres. Humingi na rin siya ng tawad sa couple at maging sa fans ng dalawa. 

Nilinaw ni Lolit Solis na wala siyang masamang intensyon at wala siyang balak din na i-offend ang couple.

Source: KAMI